अभंग

होतास वानर, झालास नर, पण

यत्न ठेव कायम, होण्यास नारायण |

सोड साधू, फकीर, बुवा , उपदेश ऐक नेक

जोड मनोभावे देवा, हात दोन, मस्तक एक |

पालक, शिक्षक, सहचारिणी, त्वा यशाचे शिल्पकार

गगनी उंच विहरताना, नको रे फुकाचा अहंकार |

प्रयोजन काय जीवनाचे अन अर्थ काय अस्तित्वाचा,

प्रश्न हे केवळ मिथ्या, आनंद घे तू वर्तमानाचा |

‘पीक्या’ म्हणे आता, घ्यावा तिळगूळ, बोला गोड

धर्म-जात भेद, मत्सर, गर्व मात्र सत्वर रे सोड |

-प्रशांत